ഒരു കേസില്‍ പ്രതിയാക്കപ്പെട്ട മുല്ല കേസില്‍ നിന്നും രക്ഷപ്പെടാനുള്ള വഴികള്‍ തേടി സ്ഥലത്തെ പ്രമുഖ വക്കീലിനെ കാണാന്‍ എത്തി.
“നിങ്ങളുടെ അയല്‍വാസി കൊടുത്ത ഈ കേസില്‍ നിന്നും രക്ഷപ്പെടല്‍ അത്ര എളുപ്പമാണെന്ന് തോന്നുന്നില്ല.” വക്കീല്‍ പറഞ്ഞു:
“ഒരു നൂറു സ്വര്‍ണ്ണ നാണയം ജഡ്ജിക്ക് കൊടുത്താല്‍ രക്ഷപ്പെടില്ലേ ?” മുല്ല ചോദിച്ചു.
“നിങ്ങള്‍ക്ക് ഭ്രാന്തായോ മുല്ല. ജഡ്ജി ഇത്തരം വിഷയത്തില്‍ വളരെ കണിശക്കാരനാണ് മാത്രമല്‍ കൈക്കൂലി കൊടുത്താല്‍ ജഡ്ജി നിങ്ങള്‍ക്കെതിരെ വിധിക്കും എന്നത് തീര്‍ച്ചയാണ്.”
“ചിലപ്പോള്‍ സ്വാധീനിക്കാന്‍ ശ്രമിച്ചതിനു താങ്കള്‍ക്കെതിരെ വേറെ കേസേടുക്കുയും ചെയ്യും”
“ജഡ്ജിയെപ്പറ്റി താങ്കള്‍ പറഞ്ഞതൊക്കെ സത്യമാണോ ?” മുല്ല വീണ്ടും ചോദിച്ചു.
“ തീര്‍ച്ചയായും..എനിക്കയാളെ വര്‍ഷങ്ങളായി അറിയാവുന്നതാണ്” വക്കീല്‍ പറഞ്ഞു.
ഒരു മാസത്തിനു ശേഷം കേസ് വിളിച്ചു. വിധി മുല്ലക്ക് അനുകൂലമായി.
വിധി കേട്ട വക്കീല്‍ മുല്ലയെ കെട്ടിപ്പിടിച്ചു പറഞ്ഞു.
“ അവസാനം താങ്കള്‍ക്കു നീതി ലഭിച്ചില്ലേ. ഒരു നല്ല വക്കീലിന്‍റെ ഗുണം ഇതാണ്”
“വക്കീലിന് മാത്രമല്ല സ്വര്‍ണ്ണനാണയത്തിനും ഗുണമുണ്ട്.” മുല്ല പറഞ്ഞു.
“അല്ല, നിങ്ങള്‍ ജഡ്ജിക്ക് സ്വര്‍ണ്ണ നാണയം അയച്ചു കൊടുത്തിരുന്നോ ?”വക്കീല്‍ ചോദിച്ചു.
“ അതേ. ഞാന്‍ നൂറു സ്വര്‍ണ്ണ നാണയം കൊടുത്തയച്ചു. പക്ഷെ എനിക്കെതിരെ കേസ് കൊടുത്ത എന്‍റെ അയല്‍ക്കാരന്‍റെ പേരിലാണ് കൊടുത്തു വിട്ടത് എന്ന് മാത്രം.”
No comments :
Post a Comment
Leave your comments: