കോഴിക്കോട് മോഫ്യൂസ്യല്‍ ബസ്സ്റ്റാന്‍റെല്‍ എത്തിയ സതീശന് തൂറാന്‍ മുട്ടല്‍...കടുത്ത പ്രയാസം. പുള്ളിക്കാരന്‍ ഒരു വിപ്ലവകാരിയും പുരോഗമനക്കാരനും ആയതു കൊണ്ട് പാരമ്പര്യത്തെകുറിച്ചും സംസ്കാരത്തെ കുറിച്ചും അധികം ചിന്തിക്കാന്‍ പോയില്ല.. അടുത്തു കണ്ട പെട്ടിക്കടക്ക് മുന്നില്‍ തന്നെ സംഗതിക്ക് വേണ്ടി ഇരുന്നു...ചുറ്റും കൂടി നിന്നവര്‍ ഈ ചെറുപ്പക്കാരന്‍റെ അസാമാന്യ ചങ്കൂറ്റം കണ്ടു അമ്പരന്നു.. പലരും അങ്ങോട്ടും ഇങ്ങോട്ടും മാറിനിന്നു. ചിലരൊക്കെ പുള്ളിക്കാരന്‍റെ ധീരതയെ ഉള്ളാലെ അഭിനന്ദിച്ചു. അതിനിടക്ക് ചിലരുടെ സദാചാര കുരു പൊട്ടി. അതില്‍ ഹനുമാന്‍റെയും സുലൈമാന്‍റെയും ആളുകള്‍ ഉണ്ടായിരുന്നു. പിന്നെ ബഹളമായി പൊതു സ്ഥലം തൂറാന്‍ ഉപയോഗിച്ച സതീശനെതിരെ ആളുകള്‍ തിരിഞ്ഞു. സ്ത്രീകളും പുരുഷന്മാരും ധാരാളമുള്ള ഈ സ്ഥലത്ത് ഇങ്ങിനെ ഒരു കര്‍മ്മത്തിന് മുതിര്‍ന്ന സതീശനെ പഞ്ഞിക്കിടാന്‍ ചിലര്‍ മുന്നോട്ട് വന്ന്. പക്ഷെ തൊടാന്‍ പേടി..നാറുന്ന കേസാണ്.. ചാനല്‍കാര്‍ പൊതു സ്ഥലത്തെ തൂറല്‍ എക്സ്ക്ലൂസീവ് ആയി ചൂടോടെ വിളംബാന്‍ ഓഫീസിലേക്ക് ഓടി....
കശപിശയായപ്പോള്‍ സതീശന് ചോദിച്ചു. നിങ്ങളൊക്കെ എന്നാണു കക്കൂസില്‍ പോയി തൂറാന്‍ തുടങ്ങിയത്. നിങ്ങളുടെ അപ്പനപ്പൂപ്പന്മാര്‍ എങ്ങിനെയാണ് കാര്യം സാധിച്ചിരുന്നത്??. പൊതു സ്ഥലത്തും വഴിവക്കിലുമൊക്കെയല്ലേ....നമ്മുടെ സംസ്കാരത്തില്‍ എന്നാണു കക്കൂസുകള്‍ ഉണ്ടായത്.. ഇതിഹാസങ്ങളിലോക്കെ എത്ര പേര്‍ ഈ രൂപത്തില്‍ കാര്യം സാധിച്ചിരിക്കുന്നു..ഇനി ഈ വേസ്റ്റ് ആണ് പ്രശനം എങ്കില്‍ അത് ഞാന്‍ തന്നെ എടുത്തു ഒഴിവാക്കിയാല്‍ പോരെ..?? സതീശന്‍റെ ഈ മൌലികമായ ന്യായങ്ങള്‍ കേട്ടപ്പോള്‍ ചുറ്റും കൂടിയവരില്‍ ബുദ്ധിയും വിപ്ലവവും ഒക്കെയുള്ള ചിലരോകെ തലകുലുക്കി സ്ഥലം വിട്ടു..
ബാക്കിയുള്ളവര്‍ സതീശനെ ഒന്ന് പെരുമാറാന്‍ തന്നെ തീരുമാനിച്ചു..
സംഗതി പന്തിയല്ലെന്ന് കണ്ടപ്പോള്‍ സതീശന് അടുത്ത നമ്പര്‍ പുറത്തെടുത്തു. എന്‍റെ തൂറല്‍ തടസ്സപ്പെടുത്തിയാല്‍ ഈ ബസ്സ്റ്റാന്‍റെല്‍ ഇത്തരം സ്വാതന്ത്ര്യ നിഷേധത്തിനെതിരെ ഒരു തൂറല്‍ സമരം തന്നെ ഞങ്ങള്‍ നടത്തി പ്രധിഷേധിക്കും...തടയാമെങ്കില്‍ തടഞ്ഞോളൂ.. ഉപ്പു നയത്തിനെതിരെ സ്വയം ഉപ്പുണ്ടാക്കി സമരം നടത്തിയ നാടാണിത്. ക്ഷേത്രം തടഞ്ഞപ്പോള്‍ സ്വയം പ്രതിഷ്ഠ നടത്തിയതും ഈ നാട്ടിലാണ്..ഇവിടെ തൂറല്‍ തടയുന്ന ഈ സ്വാതന്ത്ര്യ നിഷേധത്തിനെതിരെ തൂറല്‍ സമരം തന്നെയാണ് പരിഹാരം..അങ്ങിനെ ഈ നാട്ടിലെ കക്കൂസ് പോലിസ്കാരുടെ കുരു മുഴുവന്‍ ഞങ്ങള്‍ പോട്ടിത്തകര്‍ക്കും ..
തൂറല്‍ സമരം സിന്ദാബാദ്.. ഇതും പറഞ്ഞു സതീശന് തന്‍റെ മൂലധനവും കോരിയെടുത്തു ഒരു മുദ്രാവാക്യവും മുഴക്കി സ്ഥലം വിട്ടു..ചുറ്റും കൂടിയവര്‍ ഒന്നും ചെയ്യാന്‍ കഴിയാതെ വെറും സതീശനായി ബസ്സില്‍ കയറി പോയി..
തൂറല്‍ സമരത്തിന്‌ സ്ത്രീകളും ഉണ്ടാകുമോ എന്ന് ആ ചെരുപ്പക്കാരനോട്‌ ചോദിക്കാമായിരുന്നു എന്ന് ബസ്സില്‍ ചിലര്‍ അടക്കം പരയുന്നത് കേട്ടു.
( മനുഷ്യര്‍ മലം ( feces) പുറത്തു കളയുന്ന മെക്കാനിസത്തെ തൂറല്‍ എന്ന് ലളിതമായി പറയാം. തൂറല്‍ എന്നതിന്‍റെ ഭാഷാര്‍ത്ഥം അറിയാത്തവര്‍ മലയാള ഭാഷാനിഘണ്ടു പരിശോധിക്കുക. )
No comments :
Post a Comment
Leave your comments: